DE PRINS
Prins Jari I & Prinses Manon
Weer zeen Jari en Manon van Ool, zoon van Aod-Prins John III en Jolanda en dochter van Aod-Prins Jan van de Kook oet Baolder en Anita Versleijen.
Weer woeane op de Muncadostraot. In ’t dageliks laeve wirk Jari bie Foresco es projectcoördinator en wirk Manon tösse de kinjer in ’t kinjerdaagverblief. Nao ’t verboewe en trouwe, pakke weer nog effe door.
Ein fieësje viere weer gaer mèt jónk en aod en ederein moog mèt doon óm d’r dit seizoen ein fantastich sjiek jaor van te make. Want same mèt oos adjudante make weer deze vastelaovend óm vuuer altied leef te höbbe.
Dit alles ónger ooze liefspreuk:
“Es prinsepaar op de ster, trèkke weer dit jaor de ker! Alaaf!”
Jeugprins Noud I en Jeugprinses Floor
Noud is de zoon van Wim en Inge Stassen en breurke van Siep. Gebaore in ‘t ziekehoes in Zitterd en woeant al zien hieële laeve in Staeveswaert.
Hae is 12 jaor aod en eine echte lachebek. Zien hobby’s zeen voetballe en skieje. ‘t Leefste ut hae ein broene fruitsjaol. De vastelaovend zit ‘m in ‘t blood want hae lup al vanaaf zien 4e mèt in de optoch.
Floor is de dochter van Aod-Prins Geert III en Janneke Hintzen. Zie woeant op de Burg. Minkenbergstraot same mèt häör breurs Stef en Rens.
Floor häöjt zich bezig mèt träöte op häör dwarsfluit bie de jeughermenie, sluit gaer ein belke op de tennisbaan en danst de sterre van de hemel bie zien hiphop dansgroep.
Same gaon weer deze vastelaovend tót ein groeat fieës make ónger ooze liefspreuk:
“Same gaon weer volle gaas deze vastelaovend gans d’r aaf! Alaaf!”
DE PRINS
RAOD VAN 11
AOD PRINSE