Optoch

Optoch Staeveswaert

Op vasteloavesmaondig zal weer eine bóntje stoet door Staeveswaert trèkke, mèt es letste in de riej natuurlik ooze Prins en zien gevolg! Hiebie roope weer alle inwoeaners van Staeveswaert en dao boete op óm deil te numme aan de optoch. Es g’r neet mèt wilt doon den roope weer uch op óm naeve de waeg te kieke nao ooze dol dwaze stoet. De deilnummers höbbe erg hun bès gedaon óm d’r get sjoeans van te make! ’t Zoe leuk zeen es t’r väöl minse kómme kieke!

De priesoetreiking vindj nao de optoch plaats biej `t Aod Kloaster. Ouch neet deilnummers van de optoch zeen hiej van herte welkom!

Ouch verzeuke weer uch óm de optochroete vriej te haoje, parkeer uche auto effe örges anges in ein van de ziestraote zoeadet de deilnummers vrieje doorgangk höbbe!

Weer haope op väöl deilnummers!

Optoch Staeveswaert