Particuliere Sponsoractie Prinsepak
Mèt oos 3×11 jaorig jubileumseizoen in ‘t vueëroetzich gaon weer auch ooze Jubileumprins in ein gans nuuj prinsepak staeke.
Noe hueëre w’r auch waal ‘ns: “Is det noe waal ech nueëdig zo’n nuuj prinsepak?” of: “Det pak is toch nog good!?”. Det zoese inderdaad dinke mer dit prinsepak haet mieër mètgemaak den gedach! Hie onger ein korte samevatting van de belaevenisse van dit pak:
- 10x ein prinsoetrooping
- 1x ein alternatief prinsoetrooping
- +/- 111 Recepties woea ‘t dök flink zweite is mèt de mantjel ôm
- 10 groeate optochte baove op de prinsewagen in good en in slech waer
- Mieër es 1.111 polonaises door gans Midde-Limburg
- Ontelbare sjoean, grappige en soms emotionele momente in de aafgelaupe 11 jaor
Verder kènne w’r auch neet oetsloete det soms ‘t prinsepak auch nog thoes is gedrage omdet ze thoes auch ‘ns de scepter wolle zwejje.
Al dees prinse en activiteite höbbe zichtbaar häör spaore achter gelaote op ‘t pak. ‘t Is in eeder geval gebroek woea ‘t vueër gemaak is: Vasteloavend viere!
In ‘t nuuje jubileumseizoen starte w’r daorom auch weer mèt ein fris nuuj pak woea de Prins de blits kènt make in Staeveswaert en omstreke!
D’r zeen hieël väöl minse die stiekem toch waal gaer ‘ns prins wille zeen mer det ôm versjillende reejes neet kènne of wille waere. Vueër dees minse höbbe weer dit jaor DE oplossing gevônje!
Geer kènt ôs helpe mèt ein vriewillige biedrage aan ‘t nuuje prinsepak! Zoea viert d’r toch ein bietje van uchzelf ‘t seizoen ’23-’24 es jubileumprins! Auch esse geine prins wils waere moog g’r ôs helpe mèt ein biedrage aan de nuuje prinse outfit! Alle donateurs van dees actie zulle door ôs op ein ludieke maneer bedank waere tiedes ooze Jubileumreceptie!
Kiek op ôngerstaonde flyer wie se ôs es vereniging kèns helpe mèt dien biedrage!
Klik op de blauwe knop en maak direct dien bedraag ueëver!
JUBILEUM-WEEKEND
TICKETS
SPONSOR-ACTIE PRINSENPAK